عزيزتي هالة ،
أنا وصلت لمرحلة خائبة الرجا من اللامبالاة يا هالة ..
أنا مبقتش مُهتم بأي حاجة بتحصل خارج دايرة دماغي لأي حد أياً كان مين إلا الناس اللي بحبهم ..
من كام يوم يا هالة كان في محل في شارعنا حصل فيه ماس كهربي وولع ، مطافي ولمّة ونسوان واقفة في البلكونات عمالة تتفرج وأمي بتبصلي بغرابة شديدة إني متحركتش من مكاني ولا خرجت اشوف في ايه .. أنا لحظتها كنت بسمع مزيكا وبقرأ كتاب لبهاء طاهر ومش مهتم بأي حاجة تاني .
أنا لو قالولي إن أبويا مات مش هتأثر ولا هتفرق معايا - مش موضوع بحبه أو مبحبوش - لأني فعلاً مش هتفرق معايا كتير ده غير إني إتعودت على الموت ولإن الموت مش وحش .. الموت حلو جداً .
تخيّلت مثلاً إن عمارتنا بتولع والناس عمالة تجري .. مش هيحصل مني غير إني هقوم بكُل تلقائية أدخل أوضتي وآخد الحاجات اللي بحبها وأخرج من باب البيت في مشهد سيريالي وأمشي أشوف مكان أبات فيه .
أخويا من فترة كبيرة كان عمل حادثة بالعربية .. إنت كويس يابني ؟ آه بس العربية آ.. .. يا عم مش مهم العربية إنت كويس ؟ آه .. طب يالا انجز وتعالا .
واحد صاحبي بيحكيلي عن حاجة بكُل تأثر وأنا برد عليه " خلصت ؟ طب تمام " أصله هيكون بيكلمني في حبيبته اللي اتخانقت معاه علشان سبب تافه أو أبوه اللي رخم عليه وهو نازل يعني ؟! حضرتك أنا مبقتش مُهتم بالحاجات الخرا اللي بتحصل حواليا علشان أهتم بالحاجات اللي بتحصل حواليك إنت
#1
أنا وصلت لمرحلة خائبة الرجا من اللامبالاة يا هالة ..
أنا مبقتش مُهتم بأي حاجة بتحصل خارج دايرة دماغي لأي حد أياً كان مين إلا الناس اللي بحبهم ..
من كام يوم يا هالة كان في محل في شارعنا حصل فيه ماس كهربي وولع ، مطافي ولمّة ونسوان واقفة في البلكونات عمالة تتفرج وأمي بتبصلي بغرابة شديدة إني متحركتش من مكاني ولا خرجت اشوف في ايه .. أنا لحظتها كنت بسمع مزيكا وبقرأ كتاب لبهاء طاهر ومش مهتم بأي حاجة تاني .
أنا لو قالولي إن أبويا مات مش هتأثر ولا هتفرق معايا - مش موضوع بحبه أو مبحبوش - لأني فعلاً مش هتفرق معايا كتير ده غير إني إتعودت على الموت ولإن الموت مش وحش .. الموت حلو جداً .
تخيّلت مثلاً إن عمارتنا بتولع والناس عمالة تجري .. مش هيحصل مني غير إني هقوم بكُل تلقائية أدخل أوضتي وآخد الحاجات اللي بحبها وأخرج من باب البيت في مشهد سيريالي وأمشي أشوف مكان أبات فيه .
أخويا من فترة كبيرة كان عمل حادثة بالعربية .. إنت كويس يابني ؟ آه بس العربية آ.. .. يا عم مش مهم العربية إنت كويس ؟ آه .. طب يالا انجز وتعالا .
واحد صاحبي بيحكيلي عن حاجة بكُل تأثر وأنا برد عليه " خلصت ؟ طب تمام " أصله هيكون بيكلمني في حبيبته اللي اتخانقت معاه علشان سبب تافه أو أبوه اللي رخم عليه وهو نازل يعني ؟! حضرتك أنا مبقتش مُهتم بالحاجات الخرا اللي بتحصل حواليا علشان أهتم بالحاجات اللي بتحصل حواليك إنت
#1
بدأت اتوه ليه ؟ بس اى كان كمل عشان المرة دى اقل من المرة اللى فاتت :(
ردحذفتوهتي علشان ربطتيها بالتدوينة اللي قبلها .. دي حاجة تانية يا هبة
ردحذف